Robert Burns (1759–1796). Poems and Songs.
The Harvard Classics. 1909–14.

448 . Song—Young Jamie, pride of a’ the plain

YOUNG JAMIE, pride of a’ the plain,

Sae gallant and sae gay a swain,

Thro’ a’ our lasses he did rove,

And reign’d resistless King of Love.

But now, wi’ sighs and starting tears,

He strays amang the woods and breirs;

Or in the glens and rocky caves,

His sad complaining dowie raves:—

“I wha sae late did range and rove,

And chang’d with every moon my love,

I little thought the time was near,

Repentance I should buy sae dear.

“The slighted maids my torments see,

And laugh at a’ the pangs I dree;

While she, my cruel, scornful Fair,

Forbids me e’er to see her mair.”