Contents -BIBLIOGRAPHIC RECORD

Robert Burns (1759–1796). Poems and Songs.
The Harvard Classics. 1909–14.

482 . Song—Pretty Peg, my dearie

AS I gaed up by yon gate-end,

When day was waxin’ weary,

Wha did I meet come down the street,

But pretty Peg, my dearie!

Her air sae sweet, an’ shape complete,

Wi’ nae proportion wanting,

The Queen of Love did never move

Wi’ motion mair enchanting.

Wi’ linkèd hands we took the sands,

Adown yon winding river;

Oh, that sweet hour and shady bower,

Forget it shall I never!