Contents -BIBLIOGRAPHIC RECORD

Robert Burns (1759–1796). Poems and Songs.
The Harvard Classics. 1909–14.

543 . Song—News, lassies, news

THERE’S news, lassies, news,

Gude news I’ve to tell!

There’s a boatfu’ o’ lads

Come to our town to sell.

Chorus.—The wean wants a cradle,

And the cradle wants a cod:

I’ll no gang to my bed,

Until I get a nod.

Father, quo’ she, Mither, quo she,

Do what you can,

I’ll no gang to my bed,

Until I get a man.

The wean, &c.

I hae as gude a craft rig

As made o’yird and stane;

And waly fa’ the ley-crap,

For I maun till’d again.

The wean, &c.