Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.

Hazeldean

Jock o’ Hazeldean

By Sir Walter Scott (1771–1832)

“WHY weep ye by the tide, ladie?

Why weep ye by the tide?

I ’ll wed ye to my youngest son,

And ye sall be his bride:

And ye sall be his bride, ladie,

Sae comely to be seen”—

But aye she loot the tears down fa’

For Jock of Hazeldean.

“Now let this wilfu’ grief be done,

And dry that cheek so pale;

Young Frank is chief of Errington

And lord of Langley-dale;

His step is first in peaceful ha’,

His sword in battle keen”—

But aye she loot the tears down fa’

For Jock of Hazeldean.

“A chain of gold ye sall not lack,

Nor braid to bind your hair,

Nor mettled hound, nor managed hawk,

Nor palfrey fresh and fair;

And you the foremost o’ them a’

Shall ride our forest-queen”—

But aye she loot the tears down fa’

For Jock of Hazeldean.

The kirk was decked at morning-tide,

The tapers glimmered fair;

The priest and bridegroom wait the bride,

And dame and knight are there:

They sought her baith by bower and ha’;

The ladie was not seen!

She ’s o’er the Border, and awa’

Wi’ Jock of Hazeldean.