Heathcote William Garrod, comp. (1878–1960). The Oxford Book of Latin Verse. 1912.

Ausonius c.310–c.395

A Picture of Echo

VANE, quid affectas faciem mihi ponere, pictor,

ignotamque oculis sollicitare deam?

aëris et linguae sum filia, mater inanis

indicii, uocem quae sine mente gero.

extremos pereunte modos a fine reducens

ludificata sequor uerba aliena meis.

auribus in uestris habito penetrabilis echo:

me si uis similem pingere, pinge sonum.