Heathcote William Garrod, comp. (1878–1960). The Oxford Book of Latin Verse. 1912.

Germanicus Caesar 15 B.C.–A.D. 19

At the Tomb of Hector

MARTIA progenies, Hector, tellure sub ima

(fas audire tamen si mea uerba tibi),

respira, quoniam uindex tibi contigit heres,

qui patriae famam proferat usque tuae.

Ilios en surgit rursum inclita, gens colit illam

te Marte inferior, Martis amica tamen.

Myrmidonas periisse omnes dic, Hector, Achilli,

Thessaliam et magnis esse sub Aeneadis.