Heathcote William Garrod, comp. (1878–1960). The Oxford Book of Latin Verse. 1912.

Apollinaris Sidonius fl. 455–75

Epitaph of Filimatia

OCCASV celeri feroque raptam

gnatis quinque patrique coniugique

hoc flentis patriae manus locarunt

matronam Filimatiam sepulcro.

o splendor generis, decus mariti,

prudens, casta, decens, seuera, dulcis,

atque ipsis senioribus sequenda,

discordantia quae solent putari

morum commoditate copulasti:

nam uitae comites bonae fuerunt

libertas grauis et pudor facetus.

hinc est quod decimam tuae saluti

uix actam trieteridem dolemus

atque in temporibus uigentis aeui

iniuste tibi iusta persoluta.