Heathcote William Garrod, comp. (1878–1960). The Oxford Book of Latin Verse. 1912.

Petronius d. c.A.D. 66

Fire and Ice

ME niue candenti petiit modo Iulia. rebar

igne carere niuem: nix tamen ignis erat.

quid niue frigidius? nostrum tamen urere pectus

nix potuit manibus, Iulia, missa tuis.

quis locus insidiis dabitur mihi tutus amoris,

frigore concreta si latet ignis aqua?

Iulia sola potes nostras exstinguere flammas:

non niue, non glacie, sed potes igne pari.