Heathcote William Garrod, comp. (1878–1960). The Oxford Book of Latin Verse. 1912.

Sulpicius Lupercus Servasius Iunior circa 400 A.D. (?)

The Work of Time

OMNE quod Natura parens creauit,

quamlibet firmum uideas, labascit:

tempore ac longo fragile et caducum

soluitur usu.

amnis insueta solet ire ualle.

mutat et rectos uia certa cursus,

rupta cum cedit male pertinaci

ripa fluento.

decidens scabrum cauat unda tofum,

ferreus uomis tenuatur agris,

splendet adtrito digitos honorans

anulus auro.